fbpx

【名家專欄】【Kenneth Chau】金蛋數碼講之「守得雲開」

奶媽用創新科技貫通施政報告,李氏力場首投香港科技公司,金蛋同獅子銀行推出SPRINTER計劃扶助初創,香港人電子錢包衝出香港,金蛋聯盟「速遞仔」獲納斯達克公司拼購,香港創科界真係守得雲開見月明。

近日金蛋和數碼埠多咗一班西裝友,午市時間真係以為到咗中環,撞口撞面都係「摩根」「水記」班老友,個個都話嚟搵project投資,不過提下大家吾好淨係問盈利同執行力,始終我地最吸引的都係技術研發,市場就要靠其他專家去幫手。

今日「智能手套」問鄒記,是否應該明年初去拉斯維加斯show下quali?我嘅意見係「智能手套」仍在研發階段未有真正成品,不可能在展覽內找到真正落單客戶,反而現時最需要的是合作夥伴,例如遊戲機或醫療器材生產商等;所以建議直接寫介紹信給這些中外機構的CEO,爭取見面及合作機會,今時今日這些大人物也不敢小看我們的創新科技,這方法比去Vegas大海撈針更理想,話吾定又多一個被投資的機會。

講開近期咁多創科投資,香港科技公司真係時來運轉,當中最欣賞「魚仔哥」要求潛在投資者列出「點解我要俾你投」的三大理由;尤記得五年前在矽谷一個投資者大會上,一間投資公司老總因未能投中「iPhone結他」而落淚的一幕,相信類似的場面很快會在香港出現;怎樣選擇投資者?如果再問金蛋和數碼埠有甚麼分別,Sorry!我不會俾你投資!

作者簡介:鄒健宏 Kenneth Chau ,科學園科培網絡會長。

個人專頁:鄒健宏 Kenneth Chau

#專欄屬於作者意見,並不代表本網立場

發表迴響

你的電子郵件位址並不會被公開。 必要欄位標記為 *

限制時效已用盡。請重新載入驗證碼。