fbpx

【名家專欄】【Kenneth Kwok】數業人生: 米線有嘻哈,品牌有膽量

「推廣」

好多時做巿場推廣,品牌都會顧及自己嘅形象。不過有時自嘲一下真係無妨,就好似「譚仔」同「100毛」合作嘅一條新片。《譚仔有嘻哈》係一套勵志劇?而除咗有粵語同英語之外,仲有譚仔話?吓唔知乜嘢係譚仔話?咁好明顯你無去過譚仔啦!有時品牌係需要大膽啲,當然就算自嘲都有可能係反效果,不過今次譚仔條片真係幾好笑!有時間嘅話不妨睇下笑下!

「嘻哈」

坦仔圓難買線條片真係好好笑,只係出咗街十一個鐘頭就已經有七十六萬次嘅瀏覽量同一萬六千次嘅分享。我諗嚟條片都算係近排「100毛」做得比較出眾嘅一條片。有時推廣需要好多嘢去配合,但係好嘅廣告係需要有共鳴。所以如果你經常性去譚仔嘅話,你就一定會識得笑,但係如果你好少去譚仔嘅話,或者你未必會明乜嘢係譚仔語。

「術語」

講返條片,劇前梗介係咁嘅:馬過眠放炸溢天,到坦仔買線堅職侍燕,但因獻缺坦仔好煙,鏟遭阿姐恥笑,更被堅利疾罵。馬眠衣是下定揭心,化奮練擇,終衣會典?咁咪自己去睇囉!其實「譚仔」係有一組術語,以下為一個例子:「墨硯畜牲美線,實小勒,另一個要淆肉美線,三小,走九!」其實就係指:「竹笙墨丸米線,十小辣,另一個要牛肉米線,三小辣,走韮菜!」

本文內容由作者 Kenneth Kwok 授權轉載,原文標題為:有嘻哈,文章標題由 TechApple 編輯部修訂。以上言論屬於作者個人意見,並不代表 Techapple.com 立場。

作者簡介:郭嘉俊 Kenneth Kwok ,畢業於澳洲麥覺理大學工商管理碩士,近年專注數據分析行業推廣同發展。曾從事平面設計,網站開發,企業管理及商業諮詢等工作,於 2010 年創辦 Beehive Strategy (蜂策略),為亞太地區不同企業提供數據分析服務。公司網址:Beehive Strategy

Kenneth Kwok

郭嘉俊 Kenneth Kwok ,畢業於澳洲麥覺理大學工商管理碩士,近年專注數據分析行業推廣同發展。曾從事平面設計,網站開發,企業管理及商業諮詢等工作,於 2010 年創辦 Beehive Strategy (蜂策略),為亞太地區不同企業提供數據分析服務。

發表迴響

你的電子郵件位址並不會被公開。 必要欄位標記為 *

限制時效已用盡。請重新載入驗證碼。