淺談車漆高低階的分別 :結晶鍍膜 與 硬度標準

新車的重點是什麼?當然就是外殼夠新,但在駕駛期間免不了有沙石刮花和細微的擦損,這個時侯日本車和歐洲名車的車漆分別就來了。究竟車漆的硬度要如何度量,為什麼會有車主需要汽車鍍膜。這次就由專家分享一些業內的資訊與心得。

本文由洗車俠授權引用

9H鍍膜?

巿面上嘅「結晶鍍膜」,主要成份係二氧化矽 (SiO2),硬度係7H。所以所謂9H甚至乜嘢9H+鍍膜,除非有講明加入其他雜質強化硬度,否則都只係吹水。

試想想:鑽石硬度10H,而你見過液態鑽石未?更何況鍍膜由於要提供「潑水」效能,一定會另外加添成份,巿面上買得到嘅SiO2鍍膜,SiO2含量最高可以去到95%,不過上完鍍膜,車身係「啜手」嘅。咁你可想而知所謂9H鍍膜有幾真。

而即使做完呢啲加強硬度嘅鍍膜,亦唔代表你部車就會變成「無敵」。因為一層鍍膜嘅厚度只有數微米 (µm),做完結晶鍍膜之後,一般可以為原有車身加強約2H硬度,所以可以有效防止一般石仔彈花或者硬物刮花,但並不代表完全唔會花。

以日本車為例,由於採用較低質素嘅環保油漆(俗稱「水油」),原廠硬度約為2-3H,即大約等於石膏。歐洲大廠如Benz或Audi,車漆硬度約 5H,越名貴嘅車,車漆質素一般會越高(Tesla除外😂)。所以做完結晶鍍膜之後,日本車硬度會增加至約5H,歐洲車則約7H。

所以,選擇鍍膜產品,我哋一般唔建議單以「幾多H」作為單一標準,而係喺硬度、潑水、成份及口碑等因素作出選擇。

下一次,我哋會繼續講下鍍膜「一年、三年、五年」嘅分別。

(圖片:SiO2鍍鏌硬化後的結晶)

引用來源:洗車俠 Facebook

按這裡可以參考更多關於洗車俠鍍膜服務的資訊

發表迴響

你的電子郵件位址並不會被公開。 必要欄位標記為 *

限制時效已用盡。請重新載入驗證碼。